طعم الحياة // للكاتب : أحمد عبد اللطيف النجار

بسم الله الرحمن الرحيم

طعم الحياة
كلمات / أحمد عبد اللطيف النجار
شاعر أم الدنيا

طعم الحياة لو نعرفه
لابد نعرف الاختلاف
والقلب للقلب الحنون
فيهم يا روحي ائتلاف
احفظ مشاعرك ....
جوا ذاتك..
اشطب الماضي ..
في حياتك..
تلقى روحك مش تخاف
صعبة كدة هيا الحياة
لو كنت راضي بالآسية
مش تعترض...
علي كل صعب..
وتقول لروحك يا ألف آه
ولو تتوه في سكتك
اللي سأل عمره ما تاه !
ممكن تقابل ناس كتير
فيهم غفير ، فيهم أمير
منهم يقابلك بابتسامة
ويحضنك من غير ملامة
وقلبه كارهك أو يغير
ومنهم اللي بقلبه حبك
يتمني يفضل عمره جنبك
ولا عمره قال الذنب ذنبك
يبقى بحبه لك أسير...!
ومنهم القاسي في ملامحه
تخاف تعاتبه أو تسامحه
ولو تشوفه من بعيد
تستغفر الله القدير
ومنهم اللي وشه نور
دا شيء طبيعي ...
مش ديكور.. !
ولو قابلته مرة صدفة
تبقي امتلكت توب حرير !
ومنهم اللي تاعبه عقله
باين كلامه وأصل جهله
أحسن تطنش أو تجَاهله
قول له إلي أين المصير ؟!
ومنهم المغرور بعلمه
بيحارب الدنيا بقلمه
دا يبقي عقله والله ظلمه
اتركه وابعد وسير !
ومنهم الراضي بقليله
ممكن تقول له همي شيله
وكمان يروح لك أو تجيله
وينام معاك علي الحصير !
ومنهم القانع بذاته ..
راضي بنصيبه من حياته
ومهما كان من عمر فاته
صاحي الشعور والضمير
ومنهم اللي شد حيله
استقوى علي ...
المسكين بويله ..
دا يتوقف يتقص ديله
ونفهمه ربك كبير !
طعم الحياة ما أجمله
في ناس كتير تتقبله
وناس قساوة طبعها
تأذي البشر من حقدها
صعب قوي تتحمله ..!
ها نقول لها من ...
غير عتاب...
طعم الحياة ما أجمله
طعم الحياة ما أجمله
طعم الحياة ما أجمله !

أحمد عب اللطيف النجار
شاعر أم الدنيا