ظهرلي قرين لكن طيب
بيجر فيا للتوبة
عجبتني الضحكة في عنيه
لقيت الفكرة مرغوبة
طبطب عليا و وجهلي كلام يوجع
في حضرة ظلام الليل
وكسرة ضلوع القلب
في حضرة فنجان قهوتي بعد ماراح منه الوش
كلام صادق من غير غش
بيجر فيا للتوبة
عجبتني الضحكة في عنيه
لقيت الفكرة مرغوبة
طبطب عليا و وجهلي كلام يوجع
في حضرة ظلام الليل
وكسرة ضلوع القلب
في حضرة فنجان قهوتي بعد ماراح منه الوش
كلام صادق من غير غش
_ ياكاتم ضحكتك جواك الخنقة تمتلكك
وواهم نفسك زيف ان الحياة ضدك
قرب من ربنا وادعي بصوت عالي
الخنقة عنك تزول
والهم يفترقك
يامش صابر علي حالك وده عيبك
ده صبري مني هرب في جلاليبك
عايش فـ حزن والصبر منك تاااه
ياصبر ايوب منين اجيبك
وكل الحكاية في مترين قماش
فيهم تشوف دنيتك كما مراية و مغسولة
تظهِر نقاء صفوتك
من اصل صورة معدومة
بهتانة من وجع الحياة
متعشمة فـ مترين قماش
يكونوا ونيسك في تربتك
صوتك انحاش والفكر منك تاه
وعشت غريب في دنيتك
فيهم تشوف دنيتك كما مراية و مغسولة
تظهِر نقاء صفوتك
من اصل صورة معدومة
بهتانة من وجع الحياة
متعشمة فـ مترين قماش
يكونوا ونيسك في تربتك
صوتك انحاش والفكر منك تاه
وعشت غريب في دنيتك
وكل القبور واحد
لو من ذهب او طين
والقبر مابيفرقش بين ابن مين او مين
مهما تعيش هتعيش
غني او كنت فقير
الكفن والعفن واحد
والقبر ساع الاتنين
لو من ذهب او طين
والقبر مابيفرقش بين ابن مين او مين
مهما تعيش هتعيش
غني او كنت فقير
الكفن والعفن واحد
والقبر ساع الاتنين
لقتني بقول بصوت مبحوح
"خلاص نويت علي التوبة "
"خلاص نويت علي التوبة "
صرخت عليا الحيطان
وابتدي الظلام يعُم
فجأة ظهرلي شيطان كان شكله مخيف يغُم
وابتدي الظلام يعُم
فجأة ظهرلي شيطان كان شكله مخيف يغُم
_ خلاص نويت علي التوبة
والاعتكاف بعيد عـ الناس
وتسدل ستارة الماضي
تعيش وحدك بدون احساس
والاعتكاف بعيد عـ الناس
وتسدل ستارة الماضي
تعيش وحدك بدون احساس
دي حتي الذنوب عشقاك وبايتة جوه تفاصيلك
فـ يريت ترجع تفهمني
بنيت توبتك ع اي اساس
فـ يريت ترجع تفهمني
بنيت توبتك ع اي اساس
لساك في بحر الذنوب عايم
وقلبك عن الايمان صايم
لساك شيطان ومتنكر في طيف انسان
ومش قادر علي النسيان
ولا قادر تكون مؤمن
دي يدوب فكرة وخطرتلك
من الجرح اللي مكتوبلك تعيش جواه
فـ سلم وعيش ويااه
وشوفلك حبيب تاني
تسرح ويا ملكوته
وتتمعشق حنين صوته
ويتقبل سناريو حياتك الفالت
ومتجيش تقولي انا معيوب
ونويت عن كل شئ اتوب
وقلبك عن الايمان صايم
لساك شيطان ومتنكر في طيف انسان
ومش قادر علي النسيان
ولا قادر تكون مؤمن
دي يدوب فكرة وخطرتلك
من الجرح اللي مكتوبلك تعيش جواه
فـ سلم وعيش ويااه
وشوفلك حبيب تاني
تسرح ويا ملكوته
وتتمعشق حنين صوته
ويتقبل سناريو حياتك الفالت
ومتجيش تقولي انا معيوب
ونويت عن كل شئ اتوب
صدي صوته بدأ يرفرف فـ المكان
ويضغط علي وتري المقطوع
فـ يبين ضعفي
فـ بدأت اتساهل وياه
واسرح ويا افكاره
اشوف الدنيا بمنظاره
فـ وقعت عيني ع المكتب
ولمحت صورة للماضي
فـ رجعت تاني افكاري
تزن عليا بالتوبة
لقتني بتوه
وبتعشم في طيف كذبة
بحاول احسب الحسبة
مابين الحق والباطل
وماذا لو ؟
اعيش عمري علي انه يدوب
"تحصيل حاصل"!!
ويضغط علي وتري المقطوع
فـ يبين ضعفي
فـ بدأت اتساهل وياه
واسرح ويا افكاره
اشوف الدنيا بمنظاره
فـ وقعت عيني ع المكتب
ولمحت صورة للماضي
فـ رجعت تاني افكاري
تزن عليا بالتوبة
لقتني بتوه
وبتعشم في طيف كذبة
بحاول احسب الحسبة
مابين الحق والباطل
وماذا لو ؟
اعيش عمري علي انه يدوب
"تحصيل حاصل"!!
«في نفس اللحظة »
بدأت المطرة فـ الخارج
تعكسلي صورة مـ الخوف
صوت الرعد يهز الارض
القاني بطوف
جوه الدايرة المحكومة
ونور البرق بيضوي
فـ يعكس ع الحيطان ظلي
بدأت المطرة فـ الخارج
تعكسلي صورة مـ الخوف
صوت الرعد يهز الارض
القاني بطوف
جوه الدايرة المحكومة
ونور البرق بيضوي
فـ يعكس ع الحيطان ظلي
فـ يجيني الخوف القاني ضعيف!!
واتمني
لو اعيش بقيت عمري كفيف»»
واتمني
لو اعيش بقيت عمري كفيف»»
وبدأت دموعي تتساهل
تنزل عليا تغسلني
من الذنب اللي يستاهل
تنزل عليا تغسلني
من الذنب اللي يستاهل
وماذال الشيطان واقف!
يعشمني بإكذوبة
عيش الحياة وافرح
وانسي فكرة التوبة
انسي الوجع اللي سببلك
كأبة وحزن
انسي الحب اللي صورلك انك فشلت ومش مرغوب
وان الحياة هجراك عشان معيوب
واياك تقولي من تاني
"انا عايز اتوب"
يعشمني بإكذوبة
عيش الحياة وافرح
وانسي فكرة التوبة
انسي الوجع اللي سببلك
كأبة وحزن
انسي الحب اللي صورلك انك فشلت ومش مرغوب
وان الحياة هجراك عشان معيوب
واياك تقولي من تاني
"انا عايز اتوب"
اعقد لجام الخوف وامسح بلل سروالك
متحاولش تبقي مؤمن
والتوبة مش بقيالك
متحاولش تبقي مؤمن
والتوبة مش بقيالك
لقتني بجري اتوضي واستغفر
ورافض اعيش فـ إكذوبة
لقيت الحسبة محسوبة
فـ قطعت لسان شيطاني واخترت بداية التوبة
ورافض اعيش فـ إكذوبة
لقيت الحسبة محسوبة
فـ قطعت لسان شيطاني واخترت بداية التوبة
ليست هناك تعليقات:
إرسال تعليق