دهب قشرة : بقلم / مصطفى المحمدي

بقلم / مصطفى المحمدى

دهب قشره
أو بالأصح تموت فكره
تعيش بكره
تموت بعدو
تفوت ميت فكره ويعدو
وترجع وقفه لثوانى
وأعيد تفكيرى من تانى
اشوف ملامحها ليه عكره
دهب قشره

أشوف احلام بتتسابق
تهد بفكره الف جدار
ما بين قادم وبين سابق
وكرسى فى قاعه الزوار
اشوف احلامى مسروقه
ويعرضها صديق أو جار
وقول ميهمش أهى فكره
دهب قشره

فى فكره تموت هنا فى بلدى
وفكره بره بتعدى
فى مركب صيد ووسط محيط
يفوت الحلم فيهدى
اشوفه مفارق الأحباب
وساب اللمه والعشره
دهب قشره

فى فكره تملى مسجونه
عشش عليها خراب وتراب
صبحت ملامحها مدفونه
وخوفها تملى من الأحباب
دا شاف الغدر يوم منهم
وشاف اللعبه مفتشره
دهب قشره

فى فكره تملى فى سجاره
وكاس بيره وخماره
وأعدت سكر فى جنينه
ودى كتيره ومنتشره
دهب قشره