تخاريف // شعر عادل عباس

★★★) تخاريف (★★★)

معنديش كلام اقوله
ضاعت كل الحروف
قاعد اليوم بطوله
عاشق الصمت والخوف
بتردد والكلمه علي لساني
وكآن الحرف مكسوف
فين الصوت العالي
فين الشجاعة اللي بيها معروف
مكتفاني اوجاعي بحبلها
وعيوني سارحة ما بتشوف
بس خلاص فورجت
ولساني بيطرقع ع المكشوف
وبهز الكون باشعاري
شمس من غير كسوف
هانقد واحلل واشرح
واصول واجول واطوف
وف عز البرد ما يمنعني
مطر ولا رياح والبركة ف الصوف
وهيطلع كل اللي جوايا
وافضي العقل و الجوف
ما الكلمه ليها وزن
وبحور الشعر مش الوف
بس القافية في مكانها
مش مجرد رص حروف
اسمع كلام يتغني
لجل حلاوته تصقف الكفوف

بقلم الشاعر. عادل عباس