(عايش وحيد) ٣١يناير٢٠١٧
*****************************
لقيتني عايش وحيد
*****************************
لقيتني عايش وحيد
بفكر ف اللي فات
ولقيت عقلي الشريد
تايه ف الذكريات
ولقيت قلبي السعيد
بيصد كتير ...اهات
وف لحظه وانت بعيد
قمت افتكر الساعات
لقيتني عايش وحيد
بفكر ف اللي فات
افتكرت لما تقابلنا
ف طريق وبدون حساب
وساعتها كان ساكنا
قلبين ما ليهم سراب
فلاقينا شعور مالكنا
و بسرعه قلبي استجاب
حسيت احساس جديد
ولقيتني بنطق سكات
لقيتني عايش وحيد
وبفكر ف اللي فات
طب ايه خلاك تهاجر
وتسيبني..... بالسنين
و ما قلت انك مسافر
وسايبني دايب حنين
مشتاق انا للي هاجر
وسايب لي دمع عين
وشوقي اللي ليك بيزيد
وعايشنى ابدا ما مات
ولقيتني عايش وحيد
بفكر ف اللي فات
الشاعر/محمد الشاذلي
ليست هناك تعليقات:
إرسال تعليق