قصة قصيرة // للكاتب // أحمد زعيتر

الظابط مجدى=اسمك ايه ياله
نحيشه=نحيشه يابيه
الظابط=وبتشتغل ايه ياروح امك
نحيشه=تربى يابيه
الظابط=يا نهار اسود--تربى---تربى وابنك يضرب ابن اختى فى المدرسه---دانا هربيك
نحيشه=والله ماعندى علم يابيه---دول جايبنى م القرافه على هنا ضرب
الظابط= ياعسكرى--خده اوضه الكلاب
العسكرى=ودناه ياباشا ---والكلاب مجتش يمه
الظابط=يركله فى بطنه----الكلاب مش راضيه تاكلك ليه ياله
نحيشه =مش عارف يابيه
الظابط=انا بقى هخليك تتمنى موتك---علشان تعرفوا تتطولوا على اسيادكم---بوس رجلى ياله---الحس الجزمه بلسانك---عايزها تلمع---تلمع--الحس ياله
نحيشه---يبكى بحرقه- --حاضر يابيه
الظابط= ياعسكرى---تروح تجيب مراته وابنه---علشان يشفوه ---ويعرفو ا انه معلم فى لحس الجزم
نحيشه=لا يابيه---علشان خاطر ربنا ---وحيات حبيبك النبى بلاش يابيه
وبعد مرور عام ياتى شخص الى القرافه سائلا عن عم نحيشه
الرجل=ياعم نحيشه---ياعم نحيشه
نحيشه= ايه يابنى---عايز ايه
الرجل =انا كنت بسال على تربه الظابط مجدى
نحيشه=هناك على ايدك اليمين---عند الصبار الشالل --مع انى برويه ---انا عارف بيشل ليه
الرجل=انت عارف الظابط مجدى مات ازاى
نحيشه=بيقولوا مات مضروب بالرصاص
الرجل=وانت عارف مين ضربه
نحيشه=لا معرفش
الرجل=ابن اخته ---عيل تلفان --جه من بره سكران---قال ايه ---طلعت فى دماغه---ان خاله يبوس رجليه ---مرضيش ---قام ضربه بالنار
نحيشه=انما انت كنت عاوز التربه ليه
الرجل=محسوبك حاوى ---وولدته بعتانى --بتقول ان فيه حنش لابد فيها --بعتتنى اطلعه علشان تعرف تزوره
نحيشه=ريح نفسك---دا مش حنش ---دول حناشه---انت عارف يوم دفنته---زقوه بردليهم --معرفوش يدخلوا يعدلوه--من كوم الحناشه اللى كان جوه
الرجل=وانت مبتخفش يقرصوك
نحيشه=الحنش ميقرصش الا اللى ازيه---انت عارف يابنى الظابط اللى انت جاى تسال على تربته---ملحسنى جزمته --اه والله --ملحسنى جزمته---يمهل ولا يهمل ---يمهل ولا يهمل---اللهم لا شماته ---اللهم لا شماته
الرجل=وبتروى صبار تربته --ياعم نحيشه---دا انا كنت ولعت فيه
نحيشه=لا يابنى---اللى زينا --كل يوم بيدفن بايده الناس --اللى باشا واللى بيه--ويشوف ضعفهم ---وانت بتجرجر فيه عشان تعدله--وتحط عليه تراب--لا بيشوف قوى ولا ضعيف---دا متر فى متر ومساعى الظابط مجدى ومعاه الف حنش