قصيدة بعنوان مفيش اتنين بقلمى خراط الكلمات اشرف رمسيس

قصيدة بعنوان
مفيش اتنين
بقلمى خراط الكلمات اشرف رمسيس
انا وانت مفيش اتنين
ومن غيرنا مفيش عاشقين
بعيش جواك وليا سنين
وانا بدور وكلى حنين
صحيح البعد فرقنا
وتهنا بعد مشتاقنا
ولا نسينا انا وانت
ولا عملنا حساب لايمين
ونار الذكرى تحرقنا
وبعد سنين وراها سنين
كتير فاتت نقول ماتت
وهى عايشة فى حياتنا
ونتجمع ساعات صدفة
وأشوفك نور فى ليل ضلمة
الاقى هواكى بينادى
بيصرخ آهة فوق منها دموع العين
دنا يا حبيبى مش ناسى
ولا قلبى دا كان قاسى
ورغم مرارى فى كاسى
بصبر نفسى فى الغربة
ومشتاقلك بقلب حزين
وصابر صبر عمرو سنين
ولا لمتك ولا بسمع كلام لايمين
ونتفرق نقولوا خلاص
يفوت العمر زي الناس
وننسى اننا حبينا ونشرب كاس
نفوق نبكى على زمان
لكن حبك دا ليه احكام
برغم الفرقة يجمعنا
يرجعنا ويرمينا بكل حماس
وانا وإنت ولا عارفين
نعيش نشرب نعوم ساعة
ويوم نغرق ونتقطع من الاحزان
عشان حابين ومش طايلين
صحيح يا حب صاب القلب
صحيح اهل الهوى مساكين