(صورة ) شعر : حسن بعيلة

وروحى بترسم الصوره 
عيونك طاله م البرواز
ملاك شفاف 
وعطرك مالى انفاسى 
وقلبك حلم
يجمع كل عشاقه
كأنك قبله للطواف ...
باحبك
حتى لو شمس النهار غابت
وزاد الليل
مدام حضنك هنا موجود
و انا العاشق
ف عمرى ما اخاف
♡ ♡ ♡ ♡
سلمت روحى للذى
رسم الطريق ليا
ورشه ورد وندى
وسقاه بحنيه
طلت طيابه الكون فى بسمة مبسمه
قلبه البريء رغم الشدايد
برضه قادر يقسمه
مابين فلان الاولانى
والفلان التانى والبنت التى
قالت عيونه هيا عشقى ومذهبى
سلمت روحى للذى ..
طبعا ( ابى ) ...
مليون سلام
للقلب يوم حس بوجع
- قلبى اتخلع -
تسلم يابويا..
بقد مابنيت لى اساس الحلم
كملته ..
تسلم بقد الحمل ما تهزتش يوم
شيلته ..
اكتب مشاعرى
بس برضه هاكون كما
عيل صغير
و الكلام مايسعفشى ولو
قولته ....
#حسن_بعيله