[ إستكش ] بقلم : صبري علي

*إسكتش..

قلم وورقة ولون واسكتش..
ياما انتظرتك’وانت ماجيتش .!
حاولت أرسم بروفايلك ...
تاهت ملامحك ,ولا ثبتتش.!
حددت وجهك ضحكة شمس.!
-على شرط-هلّت مااتخسفتش.!
قبّة عيونك صفحة بدر ..!
-على شرط- لمعت مااتكسفتش.!
امّا جفونك , و دلالها ..!
قال فيها قلبى كتير’ما سكتش.!
وكمان رموشك شبكة صيد..!
شبّكت روحى , وما اتشبكتش.!
ورسمت دمعة تسيل ع الخد...
مع إنّى عارفك ’ يوم ما بكيتش.!
ولون خدودك ورقة ورد ..!
فاحت عطورها ولا دبلتش.!
كانت شفايفك’ صعبة بجد ..ّ.
عارفها صادقة , ولا كدبتش...
أمّا ودانك قلت لها...
مليون احبّك ولا سمعتش..!
أنامش هالومك ولا اعاتبك ...
علشان دى لوحة, وما اترسمتش.!
لا هىّ أول ولا آخر ...
لوحة ابتديتها, ولا كملتش..!
أنا كنت باحدف روحى عليك...
الشّاهد انّها ما اتحدفتش....!!!!

صبري على