خطوبة بقلم : صبري علي

**خطوبة.

يا عقد ملالى فوق جيدها.
يا خاتم' فى صباع إيدها.
يا وردة ملوّنة خدودها.
يا شمعة منوّرة ف عيدها..
في كل مرّة تطفيها..
يقوم شوقى أنا يأيدها.!
يا كلّ كلمة بانطقها..
فتسمعها , فتسعدها.
تقول لى :" قولها من تانى"..
أقول الشّعر , وأزيدها.
يا كلّ دقيقة قضّتها..
وانا باستنّى موعدها.
يا كلّ رمشة رمشتها..
عينيّة ..
تخاف لتحسدها.
يا كلّ خطوة مشيناها..
إيديّة معشّقة ف إيدها.
يا كلّ كلمة ف رسالة..
وصلت منّى لبريدها.
أقول فيها , واعيد تانى :
"أنا باعشقها, وباريدها"
يا كلّ نبضة فى قلبى..
زحفت منّّى لوريدها!
******
باركوا لي..
ايوة باركوا لي.
أنا ف طريقي لوالدها..
أتعرّف بيه, وأتشرّف.
واطلب كمان .........إيدها.

صبري على