التاريخ //للشاعر محمد العربي

التاريخ 
التاريخ فيه حد فاكره 
وللا فالحين بس تاكلو 
و تشربو و ملعون دفاتره 
بتلعبو و ضاربين سيادتو بجزمتين 
التاريخ
التاريخ دستور يا سيدى
كان ز مان ايام جدودى
كنت بتباها انى عربى
و العروبه كانت نشيدى
بس انا دلوقتى تايه
بين عدوى و بين حبيبى
اعمل ايه مهو غصب عنى
م اللى شفته معاك يا سيدى
يعنى بتسيب ابن عمى
و تترمى ف حضن اليهودى
يبقا لازم تانى نرجع
للتاريخ جوه الدفاتر
نحفظه و بعدين نسمَع
و اللى مش فاكر يذاكر
اسمعونى و مش هكرر
و ارحمو دنا ريقى مرر
بكره لمَا الشمس تطلع
و امَا اشوفكو عاوز اسمع
منَكم اجمل نشيد
الله اكبر يا عرب
دنا و ابن عمى على الغريب
بقلمى \ محمد العربى