كلام الورد // بقلم محمد العليمي

كلام الورد
*************
من الف ورده بلدى 
وزهره افرنجى 
وبريحة الياسمين 
والورد البلدى
بعتت لنا
ريحانه فرحانه
حكايه حب من
حوض البنفسج
بتوصيه من القرنفل
ومشفوعه بالنرجس
ورساله مبعوته لمحبين
ومختومه بالياسمين
لبستان الهوى للهايمين
وصفت مشاعرها
ويا رقتها و شقاوتها
بضحكه ورمشة عين
وخد بغمازتين وتسبيله
تدوب قلوب عاشقين
ورسمت للامل صوره
تفرح قلوب ملايين
وعلمت البنات الدلال
والدلع والخفه فى
النظره وفى الماشيه
كمان يكون ازاى
ويجيبوه بكام ومنين
وراحت طايره الفراشه
على زهرة الاوركيده
تنقش اسمها عليها
بخدها الوردى الخجلان
وتبوح لها بالسر
وكأنها حضرت على
الميعاد مظبوط
ووفت بالوعد وبالمكتوب
نصيب محسوب
وبسمه مصحوبة
بدمعه مكبوته فى
صدر زهره بريه
وعطشانه لحنيه
وبلاش تقول ليا
على رسمها الفتان
ولا قوامها الساحر
***************
بقلم //محمد العليمى///