قصيدة وطن الألم بقلم خراط الكلمات اشرف رمسيس

قصيدة وطن الألم
بقلم خراط الكلمات اشرف رمسيس
انا حزنى فاق الألم من شدة الأوجاع
ببكى عليك يا وطن راح نعمل ايه لو ضاع
وانت كمان يا قلم اكتب وما تخبى
وسطر حكاوى الألم والحسرة على شعبى
اكتب عن اللى اتظلم اصرخ ولا تبكى
رجف القلم م الألم ينزف مرار قلبى
وكان معايه علم مزروع على ارضى
زرعوا زمان الشهيد من خوفو على عرضى
سكت القلم إتكتم قال الألم صابنى
وإيه يفيد الندم لو ضعت يا وطنى
والأرض صبحت عدم لما الخراب جابنى
فى جوع وفقر وندم عايش انا وإبنى
شايل همومى جبل عمال بيغلبنى
بزرع فى غيرى الأمل وأهاتى تحاربنى
قولولى ايه العمل يا شعب شاركنى
هتجيب منين الوطن يا ريت تجاوبنى
ينفع وطن يتباع طب فين نروح نبنى
ينفع نموت فى صراع ودمنا يجرى
نضعف وييجى الخسيس على ارضنا يجري
والحر يصبح حبيس ويزلو يوم همجى
جايب معاه ابليس وكل ندل خبيث
ويقولى دا وطنى
فوقوا وإصحوا أوام لحسن آن الأوان
لو ضاع تراب الوطن هتلاقوا فين اوطان
لو ضاع فى يوم الوطن هنضيعوا احنا كمان