رباعيات // الشاعر : عبد الحميد عثمان

في عيدك ياامي سكت الكلام
فماذا اقول لرمز الوئام
في حضنك يا امي بحس بسلام
عن وصفه يامّا عجز الكلام

@@@@@@@@

الحضن الدافي دفامي
من غيروالقلب خايف
من قلبي ادعيلك وفمي
والرب شاهد وشايف

@@@@@@@@@@@

يا امي يا غاليه في رضاكي جنّه عاليه
ربي وعدني بيها والخير فيكي عاده
في حضنك سعاده ياسكر زياده
في رضايا وتعبي صدرك لي وساده
ربنا يصونك وخللي نور عيونك
دا كل طاعه ليكي لربي عباده

@@@@@@@@@

يامه من يوم رحيلك
ماشفتش قلب صافي
تعبتي واتهد حيلك
ولاحدقالك عوافي

@@@@@@@@@

أمي يا نهر حنان
مليان بحب الناس
قلبك اوسع مكان
كله رقه واحساس
دايماً بالحب مليان
كلامك زي الماس
ف القلب والوجدان
حبك ليا نبراس
يامه انتي الكيان
وانتي تاج ع الراس

@@@@@@@@@@@

فيه قول مفيد من قول
انا قولي دارسه ف راسي
ما اخدش كلام منقول
ولاتغرينيش الكراسي

@@@@@@@@@@@@