مفتتح // شعر : حسن حفني الأسواني

مفتتح
..................
بأسم الخالق الرحمن
أصلي ع النبي العدنان
تصلي صلاه تاخد عشره
وميه كمان علي العشره
عشان ربي كريم بيه
بيدي ثواب على الميه
ألف ويمكن يزيدك
................
رماني الشوق على جيدك
غزلت من الحنين عقود
داويت جرحي ف يوم عيدك
يا مصدر للكرم والجود
..................
يا ضي عيوني حباني
ومهما عملت شايلاني
عشان بقلبي حبيتك
ودمي بيجري في وريدك
................
يا سمره من سمار لوني
يا بيتي ومسكني و كوني
أنا الغلطان سامحيني
وناوليني أبوس إيدك
...................
يا أغلى الناس على قلبي
يا روح الروح
يا نعمه ويكرمك ربي
يا سر البوح
أنام ف حجرك الدافي
و أبك وأنوح
و عطفك لي بيزيدك
..............
يا منبع للحنين صافي
يا نور العين
وحشني حضنك الدافي
بقالوا سنين
حنين الحضن والضمه
وحب أخواتي واللمه
وحشتيني قوي يا أما
بحبك يا أما و بريدك
بحبك يا أما و بريدك