صداع // للشاعر حسن توفيق عبد المطلب

......... صداع .........
==============
صداع .. صداع ..
خلى الحياة بتتْألم
الشارع رابط راسه ..
شارب مر كاسه
يصرخ ويْقول جاى ..
من فعل البنى أدمين
ده غنى بصوت عالى ..
ولا فى باله
وده صقّف لعبلة ..
بصقفة هبلة
وللى يقلد بافتخار ..
صوت الحمار
واحد بيزْعق ..
على أخوه الغراب
والتانى عمّال يلاغى الحلوة
رباب
تكاتك راحة جيّة ..
بتْقول قوالة
طبل وزمر أفراح شعبية
وسماعات
كم خناقة ع الفاضى
شىء بقى عادى
قلب الجماد حزين ..
وقال ..
شىء مش عادى
إشارات وأجراس ..
وتخبيط على الراس
ومنادى بينادى ..
يا روبابيكيا
----------------------
حسن توفيق

أعجبني