[ سياحة شامية ] بقلم : ملك محمود الأصفر

قصيدة باللهجة العامية ...
بعنوان سياحة شامية ...
...................................
مرة عند المسوية 
تمشينا بالحميدية 
وشفنا الأصالة عنوان
للحضارة الشامية
ولفينا البزورية
وكمان العصرونية
وزرنا الجامع الأموي
وشفنا القلعة الأبية
..................
تجولنا بالقيشاني
وحيدنا ع المسكية
وزرنا حي الحريقة
وسويقة وأزبكية
وشفنا محطة الحجاز
والتكية السليمانية
وزرنا المتحف الحربي
والآثار الوطنية
..................
وبعدا طلعنا ع الحمرا
وطلياني والصالحية
وجلنا الروضة والشعلان
وبالسبكي قعدنا شوية
ولفينا بكل الشام
باب توما وقيمرية
وميسات وشيخ محدين
وكانت جولة هنية
...................................
 ملك محمود الأصفر