دمع
دمع البكا مسكوب
من اللى بات مغلوب
قهر وملا القلوب
من كتر فعل الذنوب
دا كل شئ مكتوب
فى اللوح فساد وحروب
يا ريت يا رب نتوب
ترد فينا الروح
والغالب يبات مغلوب
مصطفى قمر
@@@@@@
ردا على الدكتورة نوال
اللى بنى مصر البانى مش اكتر
وغرس فينا القهر ونفى شيوج الازهر
خللى الضرايب حكر للوالى يتأمر
شق الترع بالامر بالسخرة والكرباج
وعاش ف قلعة وقصر والشعب بات محتاج
اللى بناها زمان محمد على الاكبر
بالظلم والطغيان وعاش فيها مظفر
دوقنا للحرمان والخير فينا استكتر
وعلى فى البنيان السور صبح اكبر
اللى بناها وخان مماليك وقتتلهم
بعد الزمان بزمان ورثثها للعسكر
مصطفى قمر
@@@@@@@@@@@@@
اسمحى لى
اسمحى لى عندى جملة
ليه بتفرقى ف المعاملة
هوه انا ابنك بجد
طب قولى لى ليه انتى هاملة
ظلمى فيكى فايق الحد
وغيرى عايش بالمجاملة
نفسى فيكى تقولى سد
وهوه اصبح م العتاولة
كل خيرك شده شد
عايش ع الخوخ والفراولة
يعنى فاكهه يعنى مد
واسألك تقولى لى اوله
اه يا امى جبلى اتهد
عمرى ايدى فيكى خاملة
رغم انى عمر ى قد
نفسى كل همومى شايلة
يعنى ما اسواش فيكى عد
كوسة فى سوق المقاولة
مصطفى قمر
العد فى السوق زمان
كانت تباع به الكوسة بدلل
الميزان وكان اربع كوسات
@@@@@@@@@@@@
الشمس
كل شمس جالها غيمة
مهما طالت راح تزول
كل صحرا فيها خيمة
العمار فى يوم غزول
كل بنت كانت يتيمة
جوزوها ابن الاصول
كل قماشة كانت قديمة
كان لها توب ف العدول
آه يا بلد شمسك عزيمة
بالايادى تشوف حلول
ترفع الهمة وقيمة
فوق جبين كل عزول
مصر عمرك الحكيمة
واللى يعاديكى فلول
مصطفى قمر
@@@@@@@
الختم
الختم نسر والمصلحة دايخة
والاسم شكر والناس ساعات بايخة
والعيشه قهر من كتره بقت شايخة
والعزم صبر مطلوب مالوش نسخة
والاخرة قبر فى ارض تكون سبخة
يا كل مصر ناس عايشة وناس وسخة
فى كل شبر منهوب وعاش مسخة
والختم نسر يختم يقول رخصة
ملعون يا صمت بيضيع معاك فرصة
هيه الحياة بتم والا تكون ناقصة
بنعيشها مرة مختومه فى مناقصة
مصطفى قمر
@@@@@@@@@@
حرفوش
حرفوش فى حارة وساكن
وعايش عصر المماليك
لا فارقة معاه اماكن
طول عمره م الصعاليك
اللبس عمره خيش
مرقوع وفيه شبابيك
وفطاره غموس وعيش
نعمة وربنا يعطيك
لا فكر يوم فى الريش
ولا حلمه عشاه بديك
حرفوش حالف يعيش
طول عمر اخوك شار ى ك
منهوب قوته ب مافيش
انا مش مش عايز اديك
لكن انا ما عنديش
والفقر عمره ماليك
مكتوب فى قصر انا اعيش
وانته تعيش م الصعاليك
مالها عيشة الحرافيش
ارضى كفاية التمليك
القبر يلمك ما تعيش
يا ف كتر الدين خللى ك
يا تروح فى داهية ولا تجيش
مصطفى قمر
@@@@@@@@@
يا كلمة حق
يا كلمة حق مدبوحة
بايد عميان
ياجهل بخلة وملوحة
وبحر من السمك عريان
يا شبكة فينا مطروحة
بتطرح م البشر نسيان
ساعات الكلمة مبحوحة
وساعات النطق ما له لسان
يا كلمة حق ونصوحة
بتقلب حالة الجدعان
ومين ينصفها بحبوحة
يلاقى السجن والسجان
مصطفى قمر
ليست هناك تعليقات:
إرسال تعليق