أما عجيبة //للشاعر سيد يوسف مرسي

@@@@@@
(أما عجيبة )
أما عجيب الدنيا دهيه
كل ما تمشي تلاقي غرايب
والمفطوم سموه الشايب
طلق اللحية كديل خروف
لما تشوفه تقول غندوف
لاحد مبارح كان اجرودي
نتف الشارب وي الحاجب
وماشي يتلكع زي الشارب
أصل صاحبنا اسمه العايق
لو كلمته يروح متضايق
ويعلن إن الأمر هموم
مالك وماله
سيبه في حاله
يا ما تشيل الدنيا هموم
*****
حاجة غريبة الدنيا دهيه
كانت أمبارح فيها تكية
والجوعان ياكل وشبع
والعطشان معاه زروية
*****
حاجة غريبة الدنيا دهيه
العشمان عايزله هدية
والعيان قاعد سندية
نفسي أقول ولساني مربوط
دنيا وهايصه وفيها عصبية
*****
حاجة عجيبة الدنيا دهيه
لما مراتك تبقي غنية
تقرض فيك قرض الفار
ولما بترفض أنت هفية
*****
حاجة عجيبة الدنيا دهية
أوعي تقول مراتي مرضية
وانت امبارح شايل الطين
ونازل تصرخ من الجنية
*****
حاجة غريب الدنيا دهية
كل حمام له بنية
وام عيالك بنت صفية
ليك عيال عايزين شيال
كام العمر قضيت يا عينيه
*****
حاجة غريبة الدنيا دهية
واحد ماشي صاد قِمرية
أما التاني عايز عسلية
والغرقان وخداه الدومة
والحساد عيونه نارية
*****
حاجة غريبة الدنيا دهية
نفسي واحد له جدية
ويكون صادق لما بيحكي
ويكون عاقل ونية صفية
*****
حاجة غريبة الدنيا دهية
نفسنا نقبض في اليد مهية
ويوم العيد ندي عدية
ونكسي عيل فيهم كسوة
بس الكسوة قماش قطنية
*****
بقلمي //سيد يوسف مرسي