مش راح اندم
مش راح أندم
كل ذنبي إني مخلص مش أناني
وحقي ضايع في زمان بات أغاني
والعمر ولى فالحكاوي. والتسالي
كل ذنبي إني حر وهبت نفسي للتفاني
وضهري طاطا من حمولي. والتجاني
الحكاية مش في صاحبي لما جاني
الحكاية في اللي قلي أنت جاني
ساب ضميره خلف ضهره
وجه يلاوع وحط نفسه وجه يشاني
حظل واقف حر صادق بين حبايب أو جراني
صخره سوده من الرواسي في العلالي
الحق ضايع في زمان بات أغاني
مش راح اندم لو كرهت أقعد للتسالي
كل ما اشرح لابن عمري لابن عمي
لابن خالي يقول كفاني ........
لما أضحك تبقى الضحكه جايه
من كعاني مش بعاني
ولما أحزن حزني جاني من التشاني
لكن بدي اقولك....
مش راح أحزن ما دمت صادق
مش أناني
ومش راح أزعل
لو شفت واحد من غير قواعد
كان يواعد واداني ضهره مش مبالي
أو ابن صايع جاب بضايع في وقت ضايع
يكسد بضاعتي وعاملي بايع
أو جاني مايع يرقص بخصره ويهز كتفه
فاكرني زيه يحرق في دمي ويقولي عامل
أو لص سارق ليه مصايب عايش مطارد
يسرق حماري ويعدي راكب ويقولي أتاني
مش راح أزعل ما دمت مخلص
مش أناني
والجعان يفضل جعان لو أكلته لحم ضاني
والغدا كان سمن و حمام
مش راح أندم لو سبت داري
وبعت جاري وسكنت خيمه جو الصحاري
مش راح أندم
*********
دور على الضمير
دور على الضمير جو الكلاب تلاقيه حي
لا في يوم يخونك كلب ولا يبقى معاك ني
عند البشر تقاليع تمحي من العيون الضي
خليك يا صاحبي وفي وأذكر كتير الحي
وإياك تجافي صديق صحى الضمير بالكي
واغزل في توبك بالحرير واسكن بعيد الحي
صبح البشر بلا لون خالي الطعم واللون كالمي
والدنيا دارت ولفت وبات الخسيس بالشى
الله يجازي الزمن ساب الأصيل في العي
وعجبي ...
بقلم: سيد الجهني
*******//
يا اللي صورتك جو عيني .
ساكنه قلبي من زمان
مهما كان البعد جافي
مهما أخفيت عني السؤال
حتظل قاعد جو جوفي
جو قلبي ليك زمام
انت عارف درب ودي
قوم واجري في المكان
لو شفت حالي بعد بعدك
تبكي عينك عاللي كان
الليل ياخدني وادور براسي
ويحط رحلي في الخيال
واحط همي ويى شوقي
والنجم يضحك على ال رهان
يطوف خيالك وابني قصري
ويتهد ظني في المنال
ابعت بشوقي ميت رساله
واتمنى أصبح كالحمام
واعود لعشك بعد موتي
وابني بيتي في الورديان
يا اللي قاعد جو قلبي
ليه تعاند وتنسى الوئام
بقلم:سيد الجهني
**********
############
الحب له سنه وناب
وان عضك يلا السلامه
ياما كتير سابه وتاب
خاف العتاب والملامه
وعجبي
***//////
طلعت فوق السطوح انادي
أنتي الهوى عدى وفات
أمبارح كان الحب عادي
سالت عنه لقيته مات
*********
العاشق ما له دواء يشفيه
غير قاعدته وسط الجناين
عطشه من جو مخبيه
زبده بعينه يعاين
************
أزرع همومك حروف واكتب
ظلم القرايب قرايب
دادي صغير الكلاب تكسب
أما القريب مره عجائب
**********
خلق عريان وقاضي
والدنيا ماشيه وعطيته
ياخد ما يدي ما راضي
والندب هياه هيله
**********
قالوا الوجع بات مربوب
والصحه صبحت تسالي
زمن ما عاد فيه مرغوب
ربك كريم وعليكم بحالي
********////
جن البشر معتوه
متلاقي منه غير الاحذيه
فالحق دائما يتوه
وفي الباطل يرقص غازيه
*************
مركب الحر تمشي بلا مجاديف
في البحر تبغي السلامه
والندب يعشق القج والتلافيف
زبده يكون الاسمر سلامه
******//*****
ابن التعيسه يعيش حمار
على ضهره شايل بلاوي
تنصح ما تنصح يفضل حمار
دا العيشه عنده غناوي
*********
ولد المهيري حصان
فالسبب ما يخشى خطاوي
فالحلبه أسد يجري وهيمان
ما يخاف في المرمى بلاوي
***************
###########$$$
يا ما سهرت
يا سهرت افكر وابني
قصر سعادتي دور واتنين
واعد نجوم السما فوق راسي
واخط. بيدي سؤالي على فين
وافتش رف حياتي وانده
وابني سعادتي بين حطين
واسند خدي فوق كفوفي
وخايف روحي تموت موتين
قبل ما أفتح قصر افكاري
الاقي سواعدي تنام ساعتين
كل ما ابني الليل بيهده
واسأل حظي ابن البين
وابات أحلم أرسم وابني
واركب قطر الساعة اتنين ف الليل
بدي الوحده ماتعرف صاحبي
ولا يشرب كاسها في ساعة ليل
مالي ومال الوحده ياربي
عائشه بدياري وشايف الويل
ونازله تربي عيالها تحت سريري
ولما انادي الاقي الفين
كنت مفكر ان الوحده جبانه
ما تروخ تطلع غير في الليل
ولا تجرا يوم تدق فبابي
وتصدع راسي وتعمى العين
فكرت اهد الهرم القاسي
واشق طريقي بفاس أفكاري
واعمل حدوة وجوز رجلين
وامشي بعيد الخلق القاسي
وازرع شجره قدام داري
تطرح سمن وسكر وكمان تين
ولا يسكنها دبور فاسي
عشه تملي مبني بطين
***********
فين عصايتي ؟
يوم ما شفتك كنت فَرحَه
حاضنه حلمي جو رحمي
فارطه راحتي وماسكة قلبي
خايفه تنزل من كفافي
جو رحمي ليك جراية
خايفه تبكي من شقايا
جيتنا تجري والفرحة كملت
وبيتي نور با ضنايا
سندت ضهري وحمدت ربي
وقلت تكبر يا منايا
بسطت إيدي وقلت سيدي
وغمضت عيني عن أي حاجه
ايدك تشيلك وايد تلفك
لا التراب يروح لوشك
أو حتى دودة تعض رجلك
وألف عودك بميت لفافة
الريح تعدي أحط وشك جو وشي
ولما تضحك يبقى هنايا
قلبي يضرب بجناحته
كيف كناري أو حمامه
لما باضت صبحت حكاية
أحط عيني وقلب يلهث
ويدق طبله دق الرحاية
أكنت فاكره أنك تصوني
لما أكبر وأمسك عصايه
وتبقى جنبي لما أخطي
وتسند لي عودي بدل العصايه
وتشلني مره كيف ما شلتك
وأنام في باطك زي طفولتك
من غير ما أرضع من بزازك
من غير ماأبكي وتسيل دموعي
من غير ما تشكي وتحكي همومك
كان بدي أشوفك صاين الرباية
بقلم : سيد يوسف مرسي
ليست هناك تعليقات:
إرسال تعليق