حكاية حب // شعر :محمد مخيمر بديوي

حكايه حب

شعر : محمد مخيمر بديوي 

فتحت عيوني للدنيا
لقيت وصفك ف كراسي
لقيت حبك نشيد وطني
ورسمك تاج علي راسي
لقيت اسمك فأغنيه
بيحكيها جميع ناسي
ف علمك لما بنحييه
واقول تحيا باحساسي
ف ليلك لما نسهر فيه
ونرسم حلمك الماسي

*******************
قالولي حبيبتي هبة النيل
وقالو ف وصفها مواويل
وغنو لحضنها فالليل
ورسموها بشعر طويل
بلون الدم ف خدودها
ورمش كحيل
وقالو اللي يخون عاصي
********************
حكولي كتير
وقالو حبها بضمير
وقالو عليها ولاده وخيرها يسير
وقالو العبد ليها امير
دي خيرها ع العباد كاسي
**********************

واديني كبرت ياحبيبه
وانا بثبت ف اخلاصي
لقيت فعيونك القسوه
كدبت وقلت انا العاصي
اكيد هيا اللي ف الرسمه
لكن عقلي اللي مش راسي
واقول بكره اكيد احلي
وانا لمرك عامل ناسي
ولا لساني يقول شكوي
ولا وصفت بكلام قاسي
*******************
وهفضل كل ما اتالم
اعيد غنوة كراريسي
واقول دي سنه الدنيا
وكل الخلق بتآسي
وهكدب بردو علي قلبي
وهاعمل ايه
ما حبك فيه خلاص راسي
********************

ترانيم عشاق 6/1/2017